Gabonak 2012

piZap.com fun and easy photo editing

Zorionak eta urte berri on bat opa dizuegu.

Olentzero eta Mari Domingi

Gaur goizean Olentzero eta Mari Domingi gure ikastetxera etorri dira. Goiza, haurrekin pasatu dute eta beraiek idatzitako eskutizak jaso dituzte. Irakurri ondoren opariak prestatu eta datorren astelehenean banatuko dituzte.

Gabonak 2012 - diapositivas

Eskulanak

Gure ikastetxeko Ainarak pinotxo papera erabiliz Mari Domingi dotore bat egin du.

piZap.com fun and easy photo editing

Mario Ramos

Mario Ramnos marrazkilari eta idazlea hil da.
Gure liburutegian atsegin ditugu bere liburuak, bere otsoak, beldurgarriak izan gabe, umeengandik oso gertukoak egiten dira. Idatzi eta marraztu dituen liburuak irakurtzean irriparrea sortarazten du. 

Duela hilabete bat 2. mailako haurrekin "Neu naiz ederrena" liburua landu genuen. Hona hemen ikasleek egindako marrazki batzuk:

Neu naiz ederrena

Publish at Calameo or read more publications.

Margoketa lanak

Batzuk bai direla trebeak margoketa lanetan! Begira zein animali politak margotu dituzten eskuetan.

Euskararen Nazioarteko eguna

Aurtengo "Euskararen eguna" ospatzeko orduan "Txirri, Mirri eta Txiribiton" izan ditugu gogoan. Pailaso talde hau, urte askotan haur eta nagusiei barreak eta euskara uztartu daitezkeela erakutsi ondoren, aurtengo udan jubilatu da. 
Egun honetako leloarekin "Ni barrezka euskaraz" aurrez aipatutakoa jaso nahi izan dugu.

Ikastetxeko aretoan ekitaldi eder bat izan dugu, bertan seigarren mailakoek sketch batzuk aurkeztu dizkigute, hirugarren, laugarren eta bostgarren mailakoek "Txirri, Mirri eta Txiribiton"-en hainbat abesti abestu dituzte. 









Hemen gure saioko argazki batzuk.

Euskararen Nazioarteko eguna 2012 - diapositivas

Liburutegian "Txirri, Mirri eta Txiribiton"-en ipuinen erakusketa egin dugu.

Asiatik etorritako listorra

Aste honetan, gure ikastetxeko ikasle baten etxetik, Asiatik etorritako listor bi habia kendu dituzte suhiltzaileek. Ikastetxekoek ikusi ahal izateko ekarri dituzte eta guk argazki batzuk ateratzeko aprobetxatu dugu. Listor hauek botatzen duten pozoia dela eta
ikustaldia bukatu ondoren habiak erre egin behar dituzte.

Presentación de diapositivas: Asiatik etorritako listorra - Diapositivas

Youtouben bideo hau aurkitu dugu. Hemen listorren arrautzak ikusten dira.

Liburu denden eguna

Gaur, liburu denden eguna ospatzen dela eta, Iban Zaldua idazleak, beraiei dedikatzen die "Liburu denda perfektua"izeneko ipuina. Irakurri nahi baduzue egin KLIK.

Euskararen Nazioarteko eguna

Datorren astelehenean, hilak 3, Euskararen Nazioarteko eguna ospatuko dugu. Egun hau, Eusko Ikaskuntzaren baitan 1949an sortutako ekimena da.
Aurten, Eusko Ikaskuntzak euskarari bere ikusgarritasuna eman nahi dio. Sarean, nazioarte mailan adierazle nagusi den Google bilatzailean, euskarak bere ikusr propioa izan dezan eskatu dio Euskao Ikaskuntzak Google-i. Eskaera honek pisua har dezan eta Google-k abenduaren 3an euskal ikurra jar dezan pertsona askoren atxikimenduak behar dira.

Abenduaren 1era arte Google-k euskal ikurra jartzearen aldeko atxikimenduak jasoko dira eta abenduaren 2an Gloogle-i bidaliko zaizkio.

Ekintza honen alda bazaude klikatu hemen KLIK.

Emakumeenganako indarkeriaren kontrako nazioarteko eguna

Atzo, hilak 25, emakumeenganako indarkeriaren kontrako nazioarteko eguna ospatu zen. Ondorengo marrazkietan klikatuz gero berdintasunaren aldeko lau ipuin aurkituko dituzue:

 

"Zigortzaileak" pelikula emanaldia

Gaur, 1go eta 2. zikloko haurrek "Zigortzaileak" izeneko filma ikusteko aukera izan dute.
"Zigortzaileak" bullyng-ari buruzko pelikula euskalduna da.



Pelikulak haur talde baten bizipenak kontatzen ditu. Haur batzuk jasatzen dituzten irain eta tratu txarrekin azpertuta "zigortzaile" talde bat sortzea erabakitzen dute. Talde honek, txantxa eta truko desberdinetaz baliatuz erasotzaileak zigortzen eta neurri batean hezitzen ahalegintzen dira.

Haurren Nazioarteko Eguna

1989. urtetik, 
azaroaren 20an 
Haurrren Nazioarteko Eguna
ospatzen da.





Nahi baduzu zure eskubideak zeintzu diren jakin Arartekoak jolas bat eskeintzen dizu. Klikatu hemen.

Gaztañerrearekin bueltaka

Astelehenean, ateratako hainbat argazki aurkezteko geratu ziren. Hona hemen batzuk.

Presentación de diapositivas: Gaztañerre 2012 - 2 - Diapositivas

Gazteñerre 2012 - 3 - diapositivas

Gaztañerre

Soraluzen Gaztañerre eguna ospatzen dugu gaur.
Goizean goiz hasi gara lanean:
- Sarrera aipaindu dugu: H.H.ko eta L.H. 1go mailako haurrek egindako marrazkiekin.
- Erakusketa antolatu dugu: ikasleek egindako eskulanak daude, garai honetan baratzean aurki daitekeen barazkiak eta fruitutak, furitu eta barazki horiekin hainbat janari prestatu dira, Soraluze herriko murala eta bertan auzoz auzo dauden baserriak, Ihauterietan jantziko diren erropak...
- 6. mailakoek L.H.ko 1go ziklokoei ospakizun honen nondik norakoak azaldu diskiete.
- L.H. haurrek olerkitxoak idatzi dituzte.
Arratsaldean abestu eta guraso elkarteak ekarritako gaztaina erreak jango ditugu. 

Gaztañerre 2012 - 1 - presentacion imagenes

Ipuin kontaketa

Bihar, Udal liburutegian, arratsaldeko bostetan, Ibai Esoain ipuin kontalaria izango da eta "Bertsol Haritza" izeneko saioa eskeiniko du.
Saioa, 5 urtetik 12 urtera bitarteko haurrentzako izango da.

Literaturako Euskadi saria

Harkaitz Canok  eskuratu du aurtengo Literaturako Euskadi saria, euskaraz ."Twist" nobelagatik jaso du saria. 

 Gure liburutegian berak idatzitako hainbat liburu ditugu:
- "Omar dendaria"
- "Lesterren logika"
- "Itsasoa etxe barruan"
- "Aitona eta euria"
- "Sorgin moderno bat"

Txotxongiloak

Udaleko kultura sailak antolatuta, txotxongilo saio bat izan dugu ikastetxean. Gazteiztik etorritako Panta-Rhei antzerki taldeak "Txintxilipurdi erregea" txotxongilo lana antzeztu du. 
Saioa ikastetxeko aretoan izan da eta 3 urtetik 6 urtera bitarteko haurrek bertaratzeko aukera izan dute.
Oso gustura egon gara beraiekin eta ordua labur egin zaigu.

Datorren igandean, hilak 21, antzerki talde honen beste antzez lan bat ikusteko aukera izango dute 5 urtetik gorako haurrek. "Auzokideak" izeneko emanaldia, antzokian, arratsaldeko seiretan hasiko da.

Ipuinak euskaraz

 SOLAS EGITEKO IPUINAK

  entzun zein irakurtzeko ipuinak euskaraz

Ipuin kontaketa

Bihar, Udal liburutegian, arratsaldeko bostetan, Irati Trebiño ipuin kontalari soraluzetarra izango da eta "Han eta hemengo kondairak" kontatuko dizkigu.
Saioa, 6 urtetik 10 urtera bitarteko haurrentzako izango da.

Ipuin kontari

Irakurzaletasuna sustatzeko asmoekin eta ikasturteari hasiera emateko "ipuin kolektibo" pare bat egin ditugu. "A" lerrokoek bat eta "B"koek beste bat. Ipuinak aretoan irakurri dituzte 6. mailako ikasle batzuk. 
Gustura entzun ditugu.

Irakurle ona izateko, zer egin dezakegu? Leer.es, Hezkuntza Ministeritzaren orrialdean hainbat aholku ematen dizkigute.irakurri nahi badituzu klikatu hemen.

Irakurzaletasuna bultzatzen

Irakurtzea, normalean, bakarka egiten den ekintza bat da, baina zalantzarik gabe, konpartitzean gehiago gozatzen dugu.

Oporrak

Opor garaia iritsi da. 
Bagenuen gogo pixka bat.. Ondo pasatu eta indarberrituta bueltatu.

Irakurketa gida

Aurten ere, udarako, irakurketa gida bat atera dugu.

Ezoziko erromerixa

Ostiralean ikastetxeko hiru urtetik gorako ikasleak, irakasleekin batera, Ezozira joan ziren erromerixan. Bertan lehiaketa desberdinetako sariak banatu eta bertso eskolakoek abestutako bertsoen ondoren, hamarretakoa egin eta dantzan aritu ginen. Ikasturteari bukaera emateko giro alaia eta polita izan genuen.

Ipuin lehiaketa

Ostiralean, udaletxeko ordezkariak, XXVII. ipuin lehiaketako sariak banatu zituen.

 "A" maila: Lehen hezkuntzako 3. eta 4. mailetakoak.
1go saria: June Eguren, "Printzesa sorgindua" ipuinarekin.
2. saria: Jon Ander Murgizu, "Aralarko mendiak" ipuinarekin.
3. saria: Irene Etxezarreta, "Sorgin ona" ipuinarekin.

"B" maila: Lehen hezkuntzako 5. eta 6. mailatekoak.
1go saria: Abigail Monserrate, "Izzy eta Isabela xuxurlan" ipuinarekin.
2. saria: Markel Gil, "Big ban 2" ipuinarekin.
3. saria: Irati Larreategi, "Zorte txardun lapurra" ipuinarekin.

            ZORIONAK!

Hizkuntz olinpiadak

Ostiralean jakin genituen olinpiadetan talde desberdinek lortutako puntuaketa:
Gorriak: 283 puntu

Urdinak: 279 puntu
Berdeak: 286 puntu
Horiak: 279 puntu
Beraz, sailkapena honela gelditu zen:
Azkarrenak: Berdeak
Trebeenak: Gorriak
Bizienak: Urdinak
Argienak: Horiak

Hiru urteko lau ikasle, bakoitzak bere taldeko kolorea ordezkatuz, izan ziren saria jaso zutenak.

"Ezetz asmatu" lehiaketako sari banaketa

Ostiralean, Ezozin,  "Ezetz asmatu" lehiaketaren sariak banatu ziren. 1go zaria Martarentzat izan zen, bigarrena Paularentzat eta hirugarrena Ihintzarentzat. ZORIONAK!

Liburuekin bueltaka

Maiatzean hil zen Maurice Sendak, idazle eta marrazkilari estatu batuarra. Lehen hezkuntzako lehen zikloko haurrek bere ipuina "Piztiak bizi diren lekuan" landu zuten. Hona hemen bi ikasleek kontatu zigutena.

Unai: "Ipuina gustatu zait munstroak daudelako".
Julen: " Ipuina munstroena da. Asko gustatu zait".

Antzerkia

Atzo 3. mailakoek "Edabe magikoa " izeneko antzezlana antzeztu zuten aretoan. Bertan egon ziren haur guztiak asko disfrutatu zuten eta antzezleak izugarrizko txalo zaparrada jaso zuten.
3. maila - Antzerkia on PhotoPeach

Txotxongiloa

Atzo, lehenengo mailako ikasleek Ion eta Anderrek prestaturiko txotxongilo saioa ikusteko aukera izan zuten.
Saioan, gustura hartu zuten parte eta motza iruditu zitzaien. Datorren ikasturtean beste halako bat egitea, luzeagoa, eskatu zieten. 
Jonek eta Anderrek txalo zaparrada jaso zuten.

Musika eguna

Astelehenean 130 urte bete ziren Igor Stravinsky musikaria jaio zela. Gaur, udan sartu garela eta musika eguna ospatzen dela kontutan izanik, Stravinskyren "Firebird"- ez zatitxo bat entzuteko aukera izango dugu.

Olerkitxoak

Lehen hezkuntzako 1go maila B-koen beren izenekin olerkitxoak egin dituzte, lan dotore bat osatuz.

Hizkuntz olinpiadak

Olinpiaden bigarren eguna dugu. Gaurkoan, Hauz hezkuntzako taldeen argazkiak ikusteko aukera izango dugu.

Hizkuntz olinpiadak

Gaur goizean hasi dira hizkuntz olinpiadak. Lehen hezkuntzako haurrak lau taldetan banatu dira eta jolas orduetan hainbat galdereei erantzun beharko diete. Haur hezkuntzako haurrak ere, lau taldetan banatuko dira eta hainbat froga pasatu beharko dituzte.Taldeek, beren izena, partxiseko lau koloreetatik hartzen dute: gorriak, urdinak, berdeak eta horiak.

Bertsolaritza

Aurtengo ikasturtean 4. eta 5. mailetako ikasleak bertsolaritza lantzen egon dira. Hona hemen "Bertsometa" liburuxkan argitaratu dira beraien bertsoak.

"Ezetz asmatu" lehiaketa

"Ezetz asmatu" hirugarren lehiaketa honetan hiru izan dira irabazleak: Igor, Aimar eta Marta

"Ezetz asmatu" lehiaketa

Hirugarren lehiaketa honetako erantzuna : San Martzial baseliza da.

San Martzial